កំពូលកីឡាការិនី ស្រួង ភាវី និងគោលដៅសកម្មភាពមនុស្សធម៌នៅកម្ពុជា
កាលពីថ្ងៃអង្គារ៍ ទី២ ខែកុម្ភៈ ឆ្នាំ២០២៣ ថ្មីៗប៉ុន្មានថ្ងៃមុននេះ កំពូលកីឡាការិនីស្នុកឃ័រប៊ីយ៉ាការ៉ុម កម្ពុជាដ៏ល្បីល្បាញ ស្រួង ភាវី បានធ្វើឱ្យផ្អើលពិភពកីឡាស្នុកឃ័រប៊ីយ៉ាការ៉ុមសាជាថ្មីម្ដងទៀត ជាពិសេសក្នុងប្រទេសកូរ៉េខាងត្បូងតែម្ដង បន្ទាប់ពីអ្នកនាងដណ្ដើមបានចំណាត់ថ្នាក់លេខ១ ឈ្នះអស់កីឡាករជើងខ្លាំងដទៃទៀតក្នុងកម្មវិធីប្រកួតតាំងពីវគ្គជម្រុះរហូតដល់វគ្គបញ្ចប់។ អ្នកនាងមិនត្រឹមតែជាបុគ្គលដែលប្រកបដោយសមត្ថភាពទេពកោសល្យផ្នែកកីឡាប្រភេទនេះទេ ថែមទាំងចូលចិត្តធ្វើសកម្មភាពមនុស្សធម៌ប្រកបដោយឆន្ទៈខ្ពស់ និងពោរពេញដោយសេចក្ដីស្នេហាជាតិទៀតផង។ ដោយសង្កេតឃើញថា កំពូលកីឡាការិនីរូបនេះតែងចូលចិត្តធ្វើសកម្មភាពមនុស្សធម៌ ទាំងដោយប្រយោល និងចុះផ្ទាល់ជាញឹកញាប់នៅប្រទេសកម្ពុជា ទើបបានជា “គេហំព័រយើងជួយកម្ពុជា” បានសម្រេចធ្វើបទសម្ភាសន៍ខ្លីមួយជាមួយអ្នកនាង ដើម្បីដឹងច្បាស់បន្ថែមទៀតពីទឹកចិត្តផ្នែកមនុស្សធម៌ ជាពិសេសគោលដៅសកម្មភាពមនុស្សធម៌របស់អ្នកនាងនៅកម្ពុជានាថ្ងៃអនាគត ថានឹងមានគោលជំហរបែបណាខ្លះ។ ដូច្នេះ ដើម្បីបានដឹងច្បាស់ សូមបតាមដានបទសម្ភាសន៍ជាមួយយើងខ្ញុំដូចទៅ ៖ “គេហទំព័រយើងជួយកម្ពុជា” ៖ តើអ្វីជាគម្រោងធំៗផ្នែកមនុស្សធម៌របស់អ្នកនាងដែលចង់ធ្វើឡើងនៅកម្ពុជា? អ្នកនាង ស្រួង ភាវី ៖ “គម្រោងធំៗផ្នែកមនុស្សធម៌ដែលនាងខ្ញុំនឹងធ្វើឡើងមានដូចជា គម្រោងលើវិស័យសុខាភិបាល កីឡា និង អប់រំសីលធម៌វិជ្ជាជីវ។ល។” “គេហទំព័រយើងជួយកម្ពុជា” ៖ តើការងារមនុស្សធម៌របស់អ្នកនាងភាគច្រើនធ្វើឡើងចំពោះពលរដ្ឋបែបណាខ្លះ? អ្នកនាង ស្រួង ភាវី ៖ “ការងារមនុស្សធម៌របស់នាងខ្ញុំភាគច្រើន ធ្វើឡើងចំពោះក្មេងៗជាការចាំបាច់ និងប្រជាពលរដ្ឋទូទៅដែលមានជីវភាពខ្វះខាត ដោយសារតែគាត់គ្មានឱកាស…” “គេហទំព័រយើងជួយកម្ពុជា” ៖ […]
